Engin kennsla verður í Listaskólanum frá þriðjudeginum 22. október til og með mánudeginum 28. október vegna vetrarleyfis, vinnutímastyttingar og starfsdags kennara. Skrifstofa skólans verður sömuleiðis lokuð þann tíma. Athugið að kennt verður eftir stundaskrá þriðjudaginn 29. október þrátt fyrir að þá séu starfsdagar í Helgafells- og Lágafellsskóla.

Listaskólinn hefur eignast nýjan flygil af gerðinni Yamaha S3X Premium Grand, 186 cm langan og hefur Listaskólinn lánaðiHlégarði hljóðfærið á meðan eldri flygillinn, 50 ára gamall Bösendorfer konsertflygill verður tekinn í gegn og lagfærður en reiknað er með að sú framkvæmd muni taka 1-3 ár. Fyrstu tónleikarnir í hausttónleikaröð Listaskólans eru píanótónleikar haldnir þriðjudaginn 15. október kl. 16:00. Þá verður nýji flygillinn formlega afhentur Listaskólanum af bæjaryfirvöldum. Nemendur og kennarar munu leika á flygilinn, sem er einstaklega hljómfagur en Yamaha S3X flyglar eru þekktir fyrir djúpan ríkulegan hljóm og jafnvægi milli bjartari og mýkri tóna. Þessi gerð

- 15.okt. kl. 16:00 - Píanótónleikar – vígslutónleikar nýs flygils - 15. okt. Kl. 17:00 - Fiðlu og píanónemendur - 15. okt kl. 19:00 - Selló-, söng- og píanónemendur - 16. okt kl. 17:00 - Söngnemendur - 16. okt kl. 18:00 - Blandaðir tónleikar fyrir eldri nemendur - 17. okt kl. 17:00 - Gítar- og píanónemendur - 17. okt kl. 18:00 - Söng- fiðlu- og tréblásturshljóðfæranemendur