logo
  • Virðing -
  • Jákvæðni -
  • Framsækni -
  • Umhyggja

Tónlistadeild

Tónlistarskólinn var stofnaður árið 1966 en 1. febrúar 2006 var Listaskóli Mosfellsbæjar stofnaður og varð þá Tónlistarskólinn að tónlistardeild innan Listaskólans.

Hlutverk tónlistardeildarinnar er að efla almenna tónlistarfræðslu og gera öllum kleift að stunda nám í hljóðfæraleik og söng sem þess óska. Í skólanum er kennt á öll helstu hljóðfæri, auk söngnáms, en alls eru kenndar 17 námsgreinar við skólann.

Námið

Almennt fer kennslan þannig fram, að yngri nemendur mæta 2x í viku í hálftíma einkatíma en oft þeir sem eldri eru í 1x í viku í klukkutíma. Frá 12 ára aldri er svo tónfræði 1x í viku.

Sumir sækja um að komast í hálft nám og er þá einkatíminn bara 1x30 mín. á viku. Ekki er mælt sérstaklega með því nema ef t.d. nemandi í fullu námi bætir við sig aukahljóðfæri í hálfu námi.

Þegar nemendur eru komnir nokkuð á skrið á sín hljóðfæri bætast við, í flestum tilfellum, ýmiss samspilsverkefni, framkoma á tónleikum og eitt og annað.

Unnið er eftir námskrá tónlistarskólanna útgefinni af menntamálaráðuneytinu. Tekin eru grunnpróf, miðpróf og að lokum framhaldspróf.

Tónleikahald

Mikilvægur hluti af námi tónlistarskólanema er að koma fram á tónleikum. 

Á vegum Tónlistardeildarinnar fer fram fjöldi tónleika á hverjum vetri. Allt frá litlum tónleikum, þar sem nemendur hvers kennara koma saman og spila fyrir hvorn annan og uppí stærri tónleika t.d. í Listasal Mosfellsbæjar. Einnig er spilað á ýmsum stöðum við hin ýmsu tækifæri.

Árlega er opin vika, þar sem skólastarfið er brotið upp og spilað er víðsvegar um bæinn.

Nokkrur atriði um söngnám

Söngnemendur eru sjaldnast teknir inn í skólann fyrr en þeir hafa náð 15 ára aldri, en þó eru á þessu stöku undantekningar.

Heilt nám í söng er 45 mín. einkatími á viku og 15 mín. meðleikstími. Meðleikstíminn fer þó oftast fram í 30. mín en aðra hvora viku. Í miðnámi og framhaldsnámi eru söngtímarnir og meðleikstímarnir lengri.

Vanalega hefja nemendur almennt söngnám, en velja sér svo klassíska eða rytmíska deild áður en grunnpróf er tekið.

Að auki er í boði samsöngstími 1x í viku.

Hljóðfæri sem kennt er á í Tónlistardeild

- Píanó.
- Rytmískt píanó (popp,rokk,blúss, jazz   píanóleikur).
- Klassískur gítar.
- Rytmískur gítar (rafgítar og þjóðlagagítar).
- Rafbassi.
- Trommur.
- Fiðla.
- Selló.

- Saxófónn.
- Klarinett.
- Söngur.
- Harmóníka.
- Óbó.                                                                                                                                                                          - Þverflauta                                                         .

Hægt er að sækja um hljóðfæri, sem ekki eru skráð á listann hér að ofan og er þá metið hvort grundvöllur sé fyrir að bæta því hljóðfæri við.

Þessi síða notar vafrakökur Lesa meira